پاکستان کے دو بائولر انگلینڈ کی 20 وکٹیں لے اڑے، پا کستان لگاتار 6 ٹیسٹ میچ ہارنے کے بعد ٹیسٹ جیتنے میں کامیاب ہو گیا۔
ساجد خان نے پہلی اننگز میں 7 اور دوسری اننگز میں 2 وکٹیں حاصل کیں جبکہ نعمان علی نے پہلی اننگز میں تین اور دوسری اننگز میں آٹھ وکٹیں حاصل کیں۔
اس طرح نعمان علی نے 11 اور ساجد خان نے 9 کھلاڑیوں کو پویلین کی راہ دکھائی، دوسری جانب شان مسعود کو بطور کپتان 6 ناکامیوں کے بعد پہلی کامیابی حاصل ہوئی۔
پا کستان اس سے قبل آسٹریلیا سے 3، بنگلہ دیش سے 2 اور انگلینڈ سے ایک ٹیسٹ میچ ہار چکا ہے، پا کستان 6 سال بعد انگلینڈ کو ٹیسٹ میچ ہرانے میں کامیاب ہوا۔
اس سے قبل پا کستان نے مئی 2018 میں لارڈز ٹیسٹ میں انگلینڈ کو شکست دی تھی، موجودہ پاکستانی ٹیم کا کوئی کھلاڑی 2018 کا ٹیسٹ جیتنے والی ٹیم میں شامل نہیں تھا۔
