امریکی صدر ڈونلڈ ٹرمپ کی نئی پریس سیکرٹری کیٹی زکاریا کو عہدہ سنبھالنے کے ایک ہفتے سے بھی کم عرصے میں برطرف کر دیا گیا ہے۔
رائٹرز کے مطابق معاملے سے واقف افراد نے ان کی برطرفی کی اطلاع دی جبکہ ان کی قانونی قابلیت اور پہلے پریس بریفنگ میں کارکردگی پر ہونے والی تنقید نے تنازع کو جنم دیا تھا۔
کیٹی زکاریا نے پیر کو وائٹ ہاؤس میں اپنی ذمہ داریاں سنبھالی تھیں جبکہ منگل کو ان کی پہلی پریس بریفنگ ہوئی، بریفنگ 15 منٹ سے بھی کم جاری رہی اور انہوں نے صرف تین صحافیوں کے سوالات کے جواب دیے۔ اس کے بعد ان کے قانونی پس منظر اور خود کو وکیل ظاہر کرنے سے متعلق سوالات نے امریکی میڈیا میں توجہ حاصل کی۔
رائٹرز کے مطابق کیٹی زکاریا نے پیپرڈائن یونیورسٹی کے قانون کے شعبے سے 2011 میں ڈگری حاصل کی تھی تاہم رائٹرز کو امریکی کسی بھی ریاست یا ڈسٹرکٹ آف کولمبیا میں ان کی بطور وکیل رجسٹریشن کا ریکارڈ نہیں ملا۔
