تہران، ایرانی وزیر خارجہ عباس عراقچی نے کہا ہے کہ فی الحال جنگ بندی یا فوجی کارروائیوں کے مکمل خاتمے کا کوئی معاہدہ موجود نہیں ہے۔
وزیر خارجہ نے کہا کہ اگر اسرائیل اپنی جارحیت بند کر دے تو ایران بھی عسکری کارروائیاں روکنے پرغور کرے گا، فوجی کارروائیوں سے متعلق کوئی حتمی فیصلہ بعد میں کیا جائے گا۔
عباس عراقچی نے وطن عزیز کے دفاع پر ایرانی افواج کو خراجِ تحسین پیش کرتے ہوئے کہا کہ وہ اپنی بہادر افواج کا شکریہ ادا کرتے ہیں جنہوں نے ہر حملے کا آخری لمحے تک بھرپورجواب دیا۔
انہوں نے کہا مزید کہ ایران اپنے دفاع میں کبھی پیچھے نہیں ہٹے گا اور قومی خودمختاری پرکوئی سمجھوتہ نہیں کرے گا۔
