پشاور: خیبر پختونخوا کے مشیر بیرسٹر سیف نے کہا ہے کہ جعلی مقدمات کے خاتمے تک احتجاج کا سلسلہ جاری رہے گا۔
خیبر پختونخوا کے مشیر بیرسٹر سیف نے اپنے ایک بیان میں کہا کہ پاکستان تحریک انصاف (پی ٹی آئی) کی احتجاجی کال پر لیگی وزرا کی چیخیں شروع ہوئیں۔ معاشی و سیاسی مسائل کی جڑ وفاقی حکومت ہے۔
انہوں نے کہا کہ پرامن احتجاج ہمارا جمہوری اور آئینی حق ہے۔ جبکہ جعلی مقدمات کے خاتمے تک احتجاج کا سلسلہ جاری رہے گا۔
بیرسٹر سیف نے کہا کہ خواجہ آصف فارم 47 پر وزیر بنے ہیں اور احسن اقبال سی پیک پر سیاسی بیان بازی کر رہے ہیں۔
