Daily Systematic Metro News Breaking News
پاکستان

پیٹرولیم مصنوعات کی قیمتوں میں 5 سے 7 روپے کمی کا امکان

عالمی منڈی میں نرخوں میں کمی کی وجہ سے پاکستان میں پیٹرولیم مصنوعات کی قیمتوں میں 5 سے 7 روپے کمی کا امکان ہے۔

حکومت کی جانب سے مسلسل تیسری بار پیٹرولیم مصنوعات کی قیمتوں میں کمی کی جا سکتی ہے، یکم جون سے پیٹرول اور ڈیزل کی قیمتوں میں کمی کا امکان ہے۔

نجی ٹی وی ذرائع کے مطابق ڈیزل کی قیمت میں چار روپے فی لیٹر کمی کی توقع ہے جبکہ پیٹرول کی قیمت 5 روپے سے ساڑھے سات روپے تک کم ہو سکتی ہے۔

اوگرا کی جانب سے پیٹرولیم ڈویژن کو سمری بھجوائے جائے گی، وزارت خزانہ وزیراعظم کی جانب سے حتمی فیصلے کے بعد نئی قیمتوں کا اعلان کرے گی۔

بین الاقوامی مارکیٹ میں تیل کی فی بیرل قیمتوں میں کمی ہونے کی وجہ سے پاکستانی عوام بھی پیٹرولیم مصنوعات کی قیمتوں میں کمی سے مستفید ہو گی۔

واضح رہے کہ 15 مئی کو حکومت نے پیٹرول کی قیمت میں 15روپے39 پیسے فی لیٹر کمی کی تھی جبکہ جبکہ ہائی اسپیڈ ڈیزل کی قیمت میں 7 روپے 88 پیسے تک کمی کی گئی تھی۔

Related posts

عمران خان کی نااہلی پر احتجاج ، ملزمان پر فرد جرم کی کارروائی پھر مؤخر

Mobeera Fatima

مسلم لیگ ن کے رکن پنجاب اسمبلی رانا افضال حسین دل کا دورہ پڑنے سے انتقال کر گئے

Mobeera Fatima

مریم نواز نے ہاؤسنگ سوسائٹی کی رجسٹریشن کیلئے غیر ضروری این او سی ختم کرنے کی ہدایت کردی

Mobeera Fatima

Leave a Comment