قومی کرکٹر محمد عامر اور عماد وسیم دی ہنڈرڈ لیگ میں ایکشن میں نظر آئیں گے، محمد عامر اور عماد وسیم کا ناردرن سپرچارجرز کے ساتھ معاہدہ طے پا گیا۔
دونوں کرکٹرز کو متبادل کھلاڑیوں کے طور پر ٹیم میں شامل کیا گیا ہے، محمد عامر آسٹریلوی کرکٹر بین ڈورشوئس کی جگہ ٹیم میں شامل ہوئے ہیں جبکہ عماد وسیم کو نیوزی لینڈ کے مچل سینٹنر کی جگہ اسکواڈ کا حصہ بنایا گیا ہے۔
عماد وسیم 7 سے 10 اگست تک 4 میچز کے لئے ٹیم کو دستیاب ہوں گے، دی ہنڈرڈ لیگ میں ابتدائی طور پر کسی پاکستانی کھلاڑی کو شامل نہیں کیا گیا تھا۔
انگلش کرکٹ بورڈ نے اس تاثر کی تردید کی تھی کہ فرنچائز اونرز انڈین ہونے کی وجہ سے قومی کھلاڑیوں کو منتخب نہیں کیا گیا۔
