سابق فوجیوں کا تجربہ، رہنمائی اور مسلسل رابطہ پاک فوج کا قیمتی ادارہ جاتی اثاثہ ہے، فیلڈ مارشل

راولپنڈی: یوم آزادی کے موقع پر چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر نے پاک فوج کے سابق فوجیوں کے اعزاز میں استقبالیہ دیا۔

پاک فوج کے شعبہ تعلقات عامہ (آئی ایس پی آر) کے مطابق استقبالیے میں ریٹائرڈ افسران اور جوانوں کی بڑی تعداد نے شرکت کی۔

فیلڈ مارشل سید عاصم منیر نے ملک کے دفاع کے لیے سابق فوجیوں کی گراں قدر خدمات اور تاحیات خدمات کو خراج تحسین پیش کیا۔ انہوں نے قومی استقامت مضبوط بنانے میں سابق فوجیوں کے دیرپا کردار کو بھی سراہا۔

فیلڈ مارشل سید عاصم منیر نے کہا کہ سابق فوجیوں کا تجربہ، رہنمائی اور مسلسل رابطہ پاک فوج کا قیمتی ادارہ جاتی اثاثہ ہے، بالخصوص تیزی سے پیچیدہ اور بدلتے ہوئے سکیورٹی ماحول سے نمٹنے میں ان کی رہنمائی اہم ہے۔

Field Marshal Syed Asim Munir, #COAS #CDF hosted a reception in honour of Pakistan Army veterans۔
The veterans expressed confidence in the leadership of Pakistan Army n reaffirmed their continued support to the Armed Forces in confronting emerging security challenges#پاکستان pic.twitter.com/CygiNYSJzH

— Shaukat Piracha (@ShaukatPiracha1) August 15, 2026