باجوڑ کے مختلف علاقوں میں ٹارگٹڈ آپریشن کے پیش نظر آج سے 14 اگست تک کرفیو نافذ کر دیا گیا۔
ضلعی انتظامیہ کے مطابق باجوڑ کی تحصیل ماموند کے 27 علاقوں میں آج 11 صبح گیارہ بجے سے لیکر رات گیارہ بجے تک 12 گھنٹے کیلئے کرفیو رہے گا۔
ضلعی انتظامیہ نے عوام سے اپیل کی ہے کہ صبح 10:30 بجے تک اپنی سرگرمیاں ختم کرکے کرفیو کے دوران گھروں تک محدود رہیں، بصورت دیگر کسی ناخوشگوار واقعے کے ذمہ دار خود ہوں گے۔
دوسری جانب کئی دنوں سے تحصیل ماموند سے لوگوں کی نقل مکانی جاری ہے ، ضلعی انتظامیہ نے متاثرین کیلئے 107 سرکاری اسکولز اور کالجز خالی کر دیئے ہیں جبکہ باجوڑ اسپورٹس کمپلیکس میں 450 ٹینٹس پر مشتمل کیمپ قائم کیا گیا ہے۔
