بھارتی کرکٹ ٹیم کے کپتان روہت شرما آئی سی سی ٹی ٹوئنٹی ورلڈکپ کے سیمی فائنل میں انگلینڈ کو شکست دینے کے بعد آبدیدہ ہوگئے۔
ویسٹ انڈیز میں جاری ٹی ٹوئنٹی ورلڈکپ کے نویں ایڈیشن میں گزشتہ روز بھارت اور انگلیںڈ کے درمیان دوسرا سیمی فائنل کھیلا گیا۔ بھارت نے یک طرفہ مقابلے میں انگلینڈ کو 68 رنز سے شکست دے کر فائنل میں جگہ بنائی۔
سیمی فائنل کے بعد سوشل میڈیا پر بھارتی ڈریسنگ روم کی ایک ویڈیو وائرل ہوئی جس میں روہت شرما کو کُرسی پر بیٹھے اور بھارتی کھلاڑیوں کو ڈریسنگ روم جاتے دیکھا جاسکتا ہے۔
ویڈیو میں کپتان روہت شرما جذباتی نظر آرہے ہیں جس پر دیگر کھلاڑی انکا حوصلہ بڑھاتے دکھائی دے رہے ہیں۔
اس موقع پر کمنٹری پر موجود سابق بھارتی کوچ روی شاستری ‘آپ روہت شرما کے چہرے پر سکون دیکھ رہے ہیں۔ اُس کرسی پر بیٹھے ہوئے انکی نظر پہلے ہی برج ٹاؤن میں ہونے واے فائنل پر ہے۔
