آسٹریلیا کے شہر سڈنی کے ساحلی علاقے بونڈی بیچ میں ہونے والی ہولناک فائرنگ کے دوران حملہ آور کو قابو کرنے والا بہادر شہری منظر عام پر آ گیا ہے، جس کی شناخت 43 سالہ احمد الاحمد کے نام سے ہوئی ہے۔
برطانوی نشریاتی ادارے بی بی سی کی تصدیق شدہ ویڈیو فوٹیج میں دیکھا جا سکتا ہے کہ احمد الاحمد فائرنگ کرنے والے حملہ آور کی جانب دوڑتے ہیں، اس سے اسلحہ چھین لیتے ہیں اور بندوق کا رخ خود حملہ آور کی طرف کر کے اسے پیچھے ہٹنے پر مجبور کر دیتے ہیں۔
Real Hero of world how save many people at bondy beach sydney pic.twitter.com/1CPT0hkonG
— Janakkumar Chaudhary (@Janakkumar25282) December 14, 2025
احمد الاحمد، جو پیشے کے لحاظ سے فروٹ شاپ کے مالک اور دو بچوں کے والد ہیں، اس وقت اسپتال میں زیرِ علاج ہیں۔ ان کے خاندان کے مطابق انہیں بازو اور ہاتھ میں گولیاں لگی ہیں، جن کے باعث ان کی سرجری کی گئی ہے۔
