سندھ کے تعلیمی بورڈز میں نمبر سسٹم ختم کر دیا گیا، نئے گریڈنگ نظام کی منظوری دے دی گئی۔
وزیر جامعات سندھ اسماعیل راہو نے کہا کہ میٹرک اور انٹر کیلئے نئے گریڈنگ نظام کی منظوری دے دی گئی ہے جس کے تحت 40 فیصد سے کم نمبر لینے والے طلبہ فیل تصور کئے جائیں گے۔
اسماعیل راہو کا کہنا تھا کہ تعلیمی بورڈز میں امتحانی نتائج کے لیے رائج قدیم نمبر سسٹم ختم کرکے بین الاقوامی معیار کا نیا گریڈنگ سسٹم نافذ کرنے کی منظوری دے دی ہے۔
انہوں نے کہا کہ صوبے بھر میں نئے گریڈنگ سسٹم کا اطلاق مرحلہ وار ہو گا، رواں سال 2026 میں نویں اور گیارہویں کے پہلے سالانہ امتحانات سے اس کا آغاز ہو جائے گا۔
انہوں نے کہا کہ سال 2027 میں دسویں اور بارہویں کے سالانہ امتحانات پر بھی نئے گریڈنگ سسٹم کا اطلاق ہو جائے گا۔
اب طلبہ کی کارکردگی کو نمبروں کے بجائے گریڈز میں تقسیم کیا جائے گا، اے ڈبل پلس (A++) 96 فیصد سے100 فیصد جب کہ اے پلس (A+) 91 فیصد سے 95 فیصد ہوگا۔
