شالیمار ایکسپریس کو حادثہ پیش آنے سے متعدد مسافر زخمی ہو گئے ہیں۔
چک جھمرہ کے گاؤں چھوٹی گھرتل کے قریب کچے پھاٹک پر ٹریکٹر ٹرالی کے ڈرائیور کی غفلت کے باعث شا لیمار ایکسپریس کو حادثہ پیش آیا۔
اس حادثے میں دس افراد زخمی ہوئے ہیں، نجی ٹی وی کے مطابق حادثہ رات دو بجے کے قریب پیش آیا، جسے سے شا لیمار ایکسپریس کی متعدد بوگیاں پٹڑی سے اتر گئیں۔
اس حادثے کی وجہ سے فیصل آباد جانے اور آنے والی ریل گاڑیوں کو روکا گیا ہے۔ عینی شاہدین نے کہا کہ ٹریکٹر ٹرالی ریلوے ٹریک میں پھنس گئی جب ڈرائیور نے ٹرین قریب آتی دیکھی تو اس نے ٹریکٹر کی پن نکال لی اور ٹریکٹر کو ٹرالی سے الگ کر کے ٹریکٹر لے کر چلا گیا۔
