چئیرمین پیپلز پارٹی بلاول بھٹو نے کہا ہے کہ بھارت پاکستان کے خلاف پانی بطور ہتھیار استعمال کرنا چاہتا ہے، لیکن بھارت کو سندھ طاس معاہدے کی خلاف ورزی کی اجازت نہیں دیں گے۔
سفارتی کمیٹی کے اجلاس سے خطاب کرتے ہوئے بلاول بھٹو نے کہا کہ پاکستان اور بھارت جوہری طاقتیں ہیں، اگر جوہری ممالک کی جنگ ہوئی تو نتائج صرف پاکستان تک نہیں رہیں گی۔
بلاول بھٹو نے کہا کہ پاکستا ن کاپیغام امن،استحکام اورترقی ہے، سفارتی کمیٹی مختلف ممالک کا دورہ کرکے پاکستان کا مؤقف بھرپوراندازمیں پیش کرے گی، امن اور مذاکرات چاہتے ہیں ،بھارت پیچھے ہٹ رہاہے، ہم ذمہ دار ملک ہونے کاثبوت دے رہے ہیں۔
چئیرمین پیپلز پارٹی نے کہا کہ بھارت نے بغیر کسی ثبوت کے پہلگام واقعے کا الزام پاکستا ن پر لگایا، لیکن جیت سچ اورامن کی ہوگی۔
