Daily Systematic Metro News Breaking News
اہم خبریںپاکستان

شہباز نے عمران خان کو مذاکرات کی پیشکش کی، انکے کسی رہنما نے جواب نہ دیا، خواجہ آصف

وزیر دفاع خواجہ آصف نے کہا ہے کہ وزیراعظم شہباز شریف نے بانی پی ٹی آئی عمران خان کو مذاکرات کی پیشکش کی، انہوں نے جواب تک نہیں دیا۔

سماجی رابطے کی ویب سائٹ ایکس پر جاری کردہ ٹویٹ میں انہوں نے لکھا کہ شہباز شریف نے بحیثیت حزب اختلاف قومی اسبملی کئی بار سابق وزیر اعظم عمران خان کو مذاکرات کی پیش کش کی لیکن انہوں نے یا ان کے کسی رہنما نے جواب تک نہیں دیا۔

خواجہ آصف نے لکھا کہ بانی پی ٹی آئی رعونت کے ساتھ اپوزیشن کی طرف پُشت کیے بیٹھے رہے۔ اُن دنوں عمران خان کا اُس وقت کے آرمی چیف اور آئی ایس آئی سربراہ سے عشق جوان تھا۔

لیگی رہنما نے بتایا کہ وزیراعظم بننے کے بعد بھی شہباز شریف نے قومی اسمبلی کے فلور پر میثاق معیشت کی دعوت دی۔ وزیراعظم خود چل کر ان کی سیٹوں پر گئے اور قائد حزب اختلاف سمیت پی ٹی آئی کی فرنٹ سیٹوں پر بیٹھی تمام قیادت سے ہاتھ ملائے۔

انہوں نے مزید کہا کہ جمعیت علمائے اسلام فضل الرحمٰن (جے یو آئی ف) کی قیادت اور محمود خان اچکزئی سے حال احوال کیا۔ کیا کوئی مثبت جواب ملا؟ بلکہ اسٹیبلشمنٹ کے ساتھ مذاکرات کی خواہش پر اصرار کیا گیا۔

Related posts

جناح ہائوس حملہ کیس ، پولیس نے علیمہ خان اور عظمیٰ خان کو بے قصور قرار دیدیا

Mobeera Fatima

مرغی کا گوشت سستا ، کدو، بھنڈی اور لیموں کی قیمت میں اضافہ

Mobeera Fatima

پاکستان میں پولیو کا ایک اور کیس سامنے آ گیا

Mobeera Fatima

Leave a Comment