پاکستان کے معروف ڈیجیٹل کریئیٹر رجب بٹ کی فیملی کو اپنی بھتیجی آیات زہرہ کی سالگرہ منانے پر سوشل میڈیا صارفین کی جانب سے شدید تنقید کا سامنا کرنا پڑ رہا ہے۔
رجب بٹ کی بہن غزل نے اپنے یوٹیوب اکاؤنٹ پر اپنی بیٹی کی سالگرہ کی ویڈیو شیئر کی، جس میں خاندان کے افراد کو تقریب میں خوشگوار انداز میں شامل ہوتے اور لطف اندوز ہوتے دیکھا جا سکتا ہے۔
تقریب میں رجب بٹ کے والدین اور قریبی دوست بھی موجود تھے، تاہم اس موقع پر ان کی اہلیہ ایمان فاطمہ اور بیٹے کیوان سلطان بٹ کی عدم موجودگی خاص طور پر نمایاں رہی۔
تقریب کی تصاویر اور ویڈیوز سامنے آنے کے بعد سوشل میڈیا صارفین نے رجب بٹ کو تنقید کا نشانہ بناتے ہوئے انہیں دوہرے معیار کا حامل قرار دیا۔ صارفین نے سوال اٹھایا کہ وہ اپنے اہلِ خانہ کے ساتھ خوشی کے لمحات تو شیئر کر رہے ہیں، لیکن اپنی ذاتی فیملی کے حوالے سے رویہ مختلف دکھائی دیتا ہے۔
دوسری جانب ایک صارف نے تبصرہ کرتے ہوئے کہا کہ کاش ایمان اور کیوان بھی اس ایونٹ میں موجود ہوتے، اللہ رجب بھائی اور ایمان کو دوبارہ ملا دے، آمین۔
