پاکستان کے معروف گلوکار راحت فتح علی خان کی بیٹی ماہین نے سادہ اور پرائیویٹ نکاح کی تقریب میں زندگی کے نئے سفر کا آغاز کیا، جس کی تصدیق خاندانی ذرائع نے کی ہے۔
نکاح کی تقریب انتہائی محدود اور گھریلو ماحول میں منعقد کی گئی، جس میں صرف قریبی رشتہ دار اور اہل خانہ شریک تھے۔
ماہین اپنی سنہری اور شاندار لباس میں جلوہ گر تھیں، نفیس زیورات نے ان کی دلکشی میں اضافہ کیا، اور ان کے اور شریک حیات کے درمیان محبت اور ہم آہنگی کو مداحوں نے نہایت دلکش اور بے مثال قرار دیا۔
راحت فتح علی خان اور ان کی اہلیہ بھی تقریب میں ساتھ نظر آئے، اور والدین کے طور پر ان کی پر وقار موجودگی اور فخر نے توجہ حاصل کی، خاندان کے دیگر افراد نے سوشل میڈیا پر تقریب کی جھلکیاں شیئر کیں۔
مداحوں اور خیر خواہان نے مشہور گلوکار اور ان کے خاندان کو اس خوشی کے موقع پر دل کی گہرائیوں سے مبارکباد اور نیک خواہشات پیش کی ہیں۔
