پی ایس ایل ایڈیشن 10 کے افتتاحی میچ سے قبل اسلام آباد یونائیٹڈ کو دھچکا لگ گیا، آسٹریلوی کھلاڑی ایلکس کیری اسلام آباد یونائیٹڈ کو دستیاب نہیں ہوں گے۔
وہ آسٹریلیا میں ڈومیسٹک کرکٹ میں مصروفیات کی وجہ سے پی ایس ایل نہیں کھیل سکیں گے، ایلکس کو جنوبی افریقا کے راسی وین ڈر ڈیوسن کی جگہ جزوی طور پر منتخب کیا گیا تھا۔
دفاعی چیمپیئن اسلام آباد یونائیٹڈ کا کہنا ہے کہ راسی وین ڈر ڈیوسن ٹیم کو جلد جوائن کرلیں گے۔ فرنچائز نے ایلکس کی جگہ کسی اور غیر ملکی کھلاڑی کا اعلان ابھی تک نہیں کیا ہے۔
