ایرانی وزیرخارجہ عباس عراقچی نے کہا ہے کہ پاکستان کی کوششوں سے مذاکرات میں پیشرفت ہو رہی ہے۔
عباس عراقچی نے اپنے بیان میں کہا کہ آبنائے ہرمز میں پیش آنے والے واقعات سے یہ بات واضح ہو گئی ہے کہ کسی بھی سیاسی بحران کا فوجی حل نہیں ہوتا،امریکا کسی کے کہنے پر دوبارہ جنگ کے دلدل میں نہ پھنسے۔
ان کا مزید کہنا تھا کہ امریکا کو اپنا برا چاہنے والوں سے محتاط رہنا چاہیے جو امریکا کو پھر سےدلدل میں گھسیٹنا چاہتے ہیں،اسی طرح متحدہ عرب امارات بھی محتاط رہے،پراجیکٹ فریڈم دراصل پراجیکٹ ڈیڈلاک ہے۔
دوسری جانب ایرانی میڈیا رپورٹس کے مطابق امریکی فوج نے دو سویلین کشتیوں کو نشانہ بنایا جس میں پانچ شہری شہید ہوئے۔
