وزیراعظم شہباز شریف نے جمیعت علمائے اسلام (جے یو آئی) ف کے سربراہ مولانا فضل الرحمٰن سے انکی رہائشگاہ پر ملاقات کی ہے۔
وزیراعظم بجٹ 2024-25 پیش ہونے کے بعد اگلے ہی دن مولانا فضل الرحمان کو منانے ان کے گھر پہنچ گئے۔ مولانا فضل الرحمٰن نے وزیرِ اعظم کا خیر مقدم کیا، شہباز شریف نے مولانا کی خیریت دریافت کی۔
اس دوران وزیرِ اعظم نے مولانا فضل الرحمٰن کی دینی خدمات کی تعریف کرتے ہوئے کہا کہ مولانا نے ہمیشہ جمہوری اقدار کی حفاظت کے لیے پُرامن جدوجہد کو فروغ دیا۔
ملاقات میں شہباز شریف نے سیاسی مسائل کے باہمی تعاون سے حل کے لیے کمیٹی تشکیل دینے کی تجویز پیش کر دی۔
