امریکی صدر ڈونلڈ ٹرمپ نے اسلامی ممالک کے سربراہان کے ساتھ میٹنگ کے اختتام پر وزیراعظم شہباز شریف اور نائب وزیر اعظم اسحاق ڈار سے ملاقات کی۔
اس موقع پر امریکی صدر اور وزیرِاعظم نے گرمجوشی سے مصافحہ کیا جبکہ ان کے مابین خوشگوار ماحول میں غیر رسمی گفتگو ہوئی۔
نیویارک میں اقوام متحدہ کی جنرل اسمبلی کے اجلاس کے موقع پر وزیراعظم شہباز شریف نے نیویارک میں عرب اسلامی سربراہی اجلاس میں شرکت کی۔
دوسری جانب ترک صدر رجب طیب اردوان نے امریکی صدر اور مسلم ممالک کے رہنماؤں کی ملاقات کو نہایت مفید قرار دیا ہے۔
اس سے قبل شہباز شریف سے کویت کے ولی عہد نے ملاقات کی جس میں مشرق وسطیٰ کی صورتحال سمیت علاقائی اور بین الاقوامی امور پر تبادلہ خیال کیا گیا۔
ولی عہد نے فلسطینیوں پر ہونے والے مظالم کو بے نقاب کرنے کیلئے پاکستان کی سفارتی کوششوں کو سراہا ، دونوں رہنماؤں کا دو طرفہ اور کثیر جہتی فورمز پر قریبی تعاون کے عزم کا اعادہ کیا۔
