مشیرخزانہ خیبرپختونخوا مزمل اسلم نے ہائی آکٹین اور کیروسین آئل قیمت میں اضافہ پر ردعمل دیتے ہوئے کہا کہ حکومت نے ہائی آکٹین کو اشرافیہ کا آئل قرار دیا ہے۔
اپنے بیان میں مزمل اسلم نے کہا کہ حکومت نے ہائی آکٹین آئل پر 300 روپے لیوی لگا کر قیمت 534 روپے کردی۔
انہوں نے کہا کہ حکومت نے ہائی آکٹین کو اشرافیہ کا آئل قرار دیا جب کہ حکومت نے غریبوں کا تیل کیروسین میں 248 روپے فی لیٹر اضافہ کرکے 430 کردیا ہے۔
مزمل اسلم نے یہ بھی کہا کہ حکومتی اندازے کے مطابق ہائی آکٹین میں اضافے سے 9 ارب کی بچت ہوگی لیکن میرے اندازے کے مطابق 70 فیصد لوگ ہائی آکٹین سے سپریم پر منتقل ہوجائیں گے، بچت تخمینہ کے حصول میں مشکلات ہوں گی۔
