پاکستان میں کم از کم تنخواہ ایک ہزار ڈالرکے برابر کرنے کی درخواست لاہور ہائیکورٹ میں دائر کر دی گئی۔
درخواست فہمید نواز ایڈووکیٹ کی جانب سے لاہور ہائیکورٹ میں دائر کی گئی ہے، درخواست میں انہوں نے وزیراعظم اور تمام وزرائے اعلیٰ کو فریق بنایا ہے۔
درخواست میں موقف اختیار کیا گیا کہ یہ تصدیق شدہ بات ہے کہ پاکستان میں ہر جگہ غربت ہے،پاکستان میں کم از کم تنخواہ 37 ہزار روپے ماہانہ ہے۔
موقف میں کہا گیا کہ عدالت برطانیہ کے 1950 لیبر قوانین کی پاکستان میں نفاذ کیلئے مداخلت کرنی چاہیے، پاکستان میں 32 لاکھ سرکاری اور تقریباً سات آٹھ کروڑ پرائیویٹ ملازمین ہیں۔
فہمید نواز ایڈووکیٹ نے درخواست میں کہا کہ تنخواہوں میں اضافے سے شہریوں کی قوت خرید بڑھے گی،قوت خرید میں اضافے سے عالمی سرمایہ کاری پاکستان میں آئے گی۔
