چیئرمین پاکستان کرکٹ بورڈ محسن نقوی کی زیر صدارت پی سی بی بورڈ آف گورنرز کا اجلاس ویڈیو لنک کے ذریعے منعقد ہوا، جس میں کرکٹ انفراسٹرکچر، پی ایس ایل، ڈومیسٹک کرکٹ اور آئندہ بین الاقوامی ایونٹس سے متعلق اہم فیصلے کیے گئے۔
اجلاس میں نیشنل کرکٹ اسٹیڈیم کراچی کی تعمیر نو کے دوسرے مرحلے کی باضابطہ منظوری دی گئی، جبکہ ایل سی سی اے گراؤنڈ کو لندن کے اوول گراؤنڈ کی طرز پر اپ گریڈ کرنے کا بھی فیصلہ کیا گیا۔ بورڈ آف گورنرز نے ایل سی سی اے گراؤنڈ کی اپ گریڈیشن کی منظوری دے دی۔
اجلاس کے دوران پی ایس ایل لندن اور نیویارک روڈ شوز کی کامیابی پر چیئرمین پی سی بی محسن نقوی اور ان کی ٹیم کی محنت اور پروفیشنل ازم کو سراہا گیا۔ بورڈ نے سری لنکن ٹیم کے حالیہ دورہ کو جاری رکھنے کے لیے چیئرمین پی سی بی کی ذاتی کاوشوں کو بھی خراج تحسین پیش کیا، جبکہ ممبران کی جانب سے محسن نقوی سے اظہارِ تشکر کی قرارداد بھی متفقہ طور پر منظور کی گئی۔
چئیرمین پاکستان کرکٹ بورڈ محسن نقوی کی زیر صدارت پی سی بی بورڈ آف گورنرز کا ویڈیو لنک اجلاس
نیشنل کرکٹ سٹیڈیم کراچی کی تعمیر نو کے دوسرے مرحلے کی باضابطہ منظوری
ایل سی سی اے گراؤنڈ کو اوول گراؤنڈ کی طرز پر اپ گریڈ کرنے کا فیصلہ
بی او جی نے ایل سی سی اے گراؤنڈ کی اپ گریڈیشن… pic.twitter.com/ani8XwlSio
— PCB Media (@TheRealPCBMedia) December 16, 2025
اس موقع پر محسن نقوی نے کہا کہ سری لنکن ٹور کو جاری رکھنے کا کریڈٹ کسی ایک فرد کو نہیں بلکہ پوری ٹیم کو جاتا ہے۔ انہوں نے کہا کہ ہم نے اخلاص کے ساتھ محنت کی اور اللہ تعالیٰ نے مدد فرمائی۔ ان کا کہنا تھا کہ پی ایس ایل روڈ شوز کی کامیابی پی سی بی اور پی ایس ایل کی پوری ٹیم کی مشترکہ کامیابی ہے اور پی ایس ایل کو ایک انٹرنیشنل برانڈ بنانے کے لیے سب نے شبانہ روز انتھک محنت کی۔
