سال 2025 اپنی یادوں کے ساتھ ختم ہونے کے قریب ہے، اور چند گھنٹوں میں ہم نئے سال 2026 میں قدم رکھیں گے، اس سال جہاں ہمیں کچھ مشہور شخصیات کو ہمیشہ کے لیے الوداع کہنا پڑا، وہیں کئی شوبز اور سوشل میڈیا ستارے شادی کے بندھن میں بندھ گئے۔
ماورا حسین اور امیر گیلانی
اداکارہ ماورا حسین اور امیر گیلانی نے بھی اپنے تعلقات کو ازدواجی زندگی میں بدل دیا۔ مداحوں نے یہ خبر خاص طور پر پسند کی، کیونکہ یہ دونوں ڈراموں میں ایک مقبول جوڑی کے طور پر جانے جاتے ہیں۔
گوہر رشید اور کبریٰ خان
اداکار گوہر رشید اور اداکارہ کبریٰ خان نے اپنی گہری دوستی کو شادی کے بندھن میں بدل دیا۔ ان کا نکاح مسجد الحرام میں ہوا اور بعد ازاں کراچی میں شادی کی تقریبات منعقد ہوئیں، جن میں خاندان اور دوستوں کے ساتھ ساتھ ساتھی فنکاروں نے بھی شرکت کی اور خوشیوں کا اظہار کیا۔
حسن رحیم
گلوکار حسن رحیم نے اپنی شادی میں سادگی کو ترجیح دی اور گلگتی ثقافت کے رنگ بھی نمایاں کیے، جس کی وجہ سے انہیں سال کا سب سے پسندیدہ دلہا قرار دیا گیا۔
راحت فتح علی خان کی بیٹی کی بارات کی تصاویراور ویڈیوز وائرل
نیلم منیر
اداکارہ نیلم منیر نے دبئی سے تعلق رکھنے والے پولیس افسر محمد راشد سے شادی کی۔ شادی کی خبر کے بعد شائقین نے سمجھا کہ ان کے شوہر عربی ہیں، تاہم بعد میں یہ معلوم ہوا کہ وہ پاکستانی ہیں۔
احمد علی اکبر
اداکار احمد علی اکبر، جو ڈرامہ “پریزاد” سے شہرت حاصل کر چکے ہیں، نے ماہم بتول سے شادی کی۔ انہوں نے اپنی شادی کو خاموشی سے انجام دیا اور تصاویر سوشل میڈیا پر شیئر کیں۔
ڈاکٹر نبیہا اور حارث کھوکھر
سوشل میڈیا انفلوئنسر اور ماہر نفسیات ڈاکٹر نبیہا نے اپنے دوست و میڈیا پرسن حارث کھوکھر سے نکاح کیا۔ تقریب معروف مبلغ طارق جمیل نے پڑھائی۔
ثوبان عمیس اور عبیر اسد
ماڈلنگ کی دنیا کے جوڑے ثوبان عمیس اور عبیر اسد نے بھی شادی کی، لیکن یہ رشتہ چند ماہ کے بعد ختم ہو گیا۔
حریم سہیل
ڈرامہ انڈسٹری کی باصلاحیت اداکارہ حریم سہیل نے بھی اس سال اپنی شادی کی۔ وہ سینئر اداکارہ بینا چوہدری کی بیٹی ہیں اور اپنے دوست کو ہی زندگی کے ساتھی کے طور پر منتخب کیا۔
سکندر رضوی
میڈم نورجہاں کے پوتے اور اداکار و کاروباری شخصیت سکندر رضوی نے بھی شادی کی۔ انہوں نے غیر روایتی انداز اپنایا اور دلہن نے مغربی لباس زیب تن کیا۔
عمر شہزاد اور شانزدے لودھی
باصلاحیت اداکار عمر شہزاد اور ماڈل شانزدے لودھی نے مکہ مکرمہ میں نکاح کے بعد کراچی میں شادی کی تقریبات منعقد کیں، جن میں خاندان، رشتے دار اور ساتھی فنکاروں نے بھرپور شرکت کی۔
ربیکا خان اور حسین ترین
کامیڈین کاشف خان کی بیٹی اور معروف ٹک ٹاکر ربیکا خان نے کانٹینٹ کریئٹر حسین ترین کے ساتھ شادی کی۔
ثانیہ اشفاق نے عماد وسیم اور ان کی مبینہ گرل فرینڈ کو بڑی دھمکی دیدی
ریحام رفیق
وائس اوور آرٹسٹ اور اداکارہ ریحام رفیق نے بھی اپنی زندگی کا نیا سفر شروع کیا۔
مہرالنسا اقبال
اداکارہ مہرالنسا نے پاکستانی نژاد برطانوی شہری سے نکاح کیا، جو شوبز انڈسٹری سے تعلق نہیں رکھتے۔
انوشے اشرف
مشہور شوبز شخصیت انوشے اشرف نے بھی پاکستانی نژاد برطانوی شہری شاہاب رضا سے شادی کی، جس کی پرتعیش تقریبات ترکی میں منعقد ہوئیں۔
تزئین حسین
لیجنڈری اداکار طلعت حسین کی بیٹی تزئین حسین نے عامر سیدین سے دوسری شادی کی، بعد ازاں مداحوں نے ان کے لیے نیک خواہشات کا اظہار کیا۔
رابی پیرزادہ
اسلام کی پیروی کی وجہ سے شوبز چھوڑنے والی رابی پیرزادہ نے بھی نکاح کیا، مگر ان کے خاوند کے بارے میں تفصیلات کم دستیاب ہیں۔
خاقان شاہنواز اور سبینا سید
اداکار خاقان شاہنواز اور سبینا سید نے منگنی کے ذریعے ازدواجی زندگی کی شروعات کی۔
آئمہ بیگ
جوان گلوکارہ آئمہ بیگ نے کینیڈا میں زین احمد سے نکاح کیا اور مداحوں نے انہیں مبارکباد دی۔
حنا نیازی
نجی ٹی وی اینکر حنا نیازی نے بھی اپنی نئی زندگی کا آغاز کیا اور شریک حیات کے ساتھ وفاداری کا وعدہ کیا۔
