پاکستان ویمنز کرکٹ ٹیم کی بیٹر شوال ذوالفقار کے والد ذوالفقار احمد انتقال کر گئے۔
شوال ذوالفقار کے والد ذوالفقار احمد کچھ عرصے سے علیل تھے ، انہیں سیالکوٹ کے نواحی علاقے میں سپرد خاک کر دیا گیا ہے جبکہ مرحوم کی روح کے ایصال ثواب کیلئے فاتحہ خوانی بھی کی گئی ہے۔
ساتھی کھلاڑیوں، کوچنگ و مینجمنٹ اسٹاف کیجانب سے شوال ذوالفقار سے ان کے والد کے انتقال پر افسوس کرتے ہوئے دلی ہمدردی وتعزیت کا اظہار کیا گیا ہے۔
پاکستان کرکٹ بورڈ (پی سی بی) اور کرکٹ حلقوں کی جانب سے بھی شوال ذوالفقار اور ان کے اہلِ خانہ سے اظہارِ ہمدردی کیا جا رہا ہے۔
