پاکستان وائٹ بال کرکٹ ٹیم کے ہیڈ کوچ مائیک ہیسن چھٹیاں گزارنے اپنے وطن نیوزی لینڈ چلے گئے۔
مائیک ہیسن کا لاہور سے نیوزی لینڈ روانگی سے قبل سوشل میڈیا پر بیان میں کہنا تھا کہ میرا چہرہ تھکا ہوا ہے لیکن میں خوش ہوں، کیونکہ لڑکوں نے بہت اچھا کھیلا ۔
انہوں نے کہا کہ میں نیوزی لینڈ اپنے گھر واپسی کیلئے ایک لمبے سفر کا آغاز کر رہا ہوں، اپنی فیملی کو مس کر رہا ہوں چند ہفتے کی بریک میں اپنے گھر گزاروں گا۔
یاد رہے کہ آئندہ چند ہفتوں میں پاکستان وائٹ بال ٹیم کی مصروفیات نہیں ، پاکستان ٹی 20 اسکواڈ نے جنوری کے پہلے ہفتے میں تین میچز کیلئے سری لنکا کا دورہ کرنا ہے۔
آسٹریلیا ٹی 20 ٹیم کا دورہ پاکستان جنوری کے آخری ہفتے میں شیڈولڈ ہے ، آسٹریلیا کے خلاف ہوم سیریز کے بعد پاکستان ٹیم ٹی 20 ورلڈ کپ کے لئے سری لنکا جائے گی۔
