پاک بھارت کشیدگی کم کرانے کیلئے ایران نے کوششوں کا آغاز کر دیا، ایران کے وزیر خارجہ عباس عراقچی پاکستان پہنچ گئے۔
وزارت خارجہ کے اعلیٰ حکام اور ایرانی سفیر نے اسلام آباد ائیر پورٹ پہنچنے پر ان کا استقبال کیا، وزارت خارجہ کے ترجمان کے مطابق ایران کے وزیر خارجہ اپنے سرکاری دورے پر صدر، وزیراعظم اور نائب وزیر اعظم سے ملاقاتیں کریں گے۔
ایران کے وزیر خارجہ عباس عراقچی دو طرفہ تعلقات، علاقائی اور عالمی امور پر تبادلہ خیال کریں گے، رپورٹس کے مطابق ایرانی وزیر خارجہ اسی ہفتے بھارت کا دورہ بھی کریں گے۔
