ملک میں تیل وگیس کی پیداوار میں ہفتہ وار بنیادوں پر کمی ہو گئی۔
پی پی آئی ایس اورعارف حبیب ریسرچ کے مطابق 8 اپریل کو ختم ہونے والے ہفتہ میں ملک میں خام تیل کی اوسط یومیہ پیداوار 56538 بیرل ریکارڈکی گئی ہے جوپیوستہ ہفتہ کے مقابلہ میں 2.9 فیصد کم ہے۔
ہفتہ میں ملک میں گیس کی اوسط یومیہ پیداوار 2571 ایم ایم سی ایف ڈی ریکارڈ رہی جو پیوستہ ہفتہ کے مقابلہ میں 3.9 فیصد کم ہے۔ پیوستہ ہفتہ میں ملک میں گیس کی اوسط یومیہ پیداوار2677 ایم ایم سی ایف ڈی تھی۔
سرکاری خبر رساں ادارے نے اپنی رپورٹ میں کہا کہ 8 اپریل کوختم ہونے والے ہفتہ میں او جی ڈی سی ایل کی یومیہ پیداوار 29023 بیرل، پی پی ایل کی یومیہ پیداوار 8530 بیرل، پی او ایل کی یومیہ پیداوار 4215 بیرل اور ماڑی گیس کی اوسط یومیہ پیداوار 1096 بیرل رہی۔
