ملک بھر میں بجلی کے بلوں کا نیا آسان اور شفاف فارمیٹ متعارف کرا دیا گیا۔
پاور ڈویژن نے صارفین کو ریلیف اور سہولت فراہم کرنے کے لیے ملک بھر میں بجلی کے بلوں کا نیا اور آسان فارمیٹ متعارف کرا دیا ہے، جس کا مقصد بلنگ کے نظام کو زیادہ شفاف اور صارف دوست بنانا ہے۔
وزارتِ توانائی کی ہدایت پر ڈسکوز نے بجلی کے بلوں کا نیا ڈیزائن جاری کیا ہے، جس میں صارفین کے لیے کھپت، بل کی تفصیلات اور ادائیگی کی معلومات کو واضح انداز میں پیش کیا گیا ہے۔
حکام کے مطابق نئے فارمیٹ میں معلومات کو منظم اور سادہ انداز میں ترتیب دیا گیا ہے تاکہ صارف ایک نظر میں اپنی بلنگ کی مکمل صورتحال سمجھ سکے۔ رقم، مقررہ تاریخ اور بجلی کے استعمال کی تفصیلات کو نمایاں طور پر شامل کیا گیا ہے۔
پاور ڈویژن کا کہنا ہے کہ پرانا بل پیچیدہ ترتیب، تکنیکی اصطلاحات اور غیر ضروری معلومات کی وجہ سے صارفین کے لیے سمجھنا مشکل تھا، جس کے باعث اسے مکمل طور پر ازسرِنو ترتیب دیا گیا ہے۔
