علامہ اقبال ایئرپورٹ پرغیرملکی باشندے سے 15 کلو سے زائد منشیات پکڑی گئی۔
کسٹم حکام کے مطابق غیر ملکی باشندہ تھائی ایئرلائن کی پرواز سے علامہ اقبال انٹرنیشنل ایئرپورٹ پر پہنچا، غیر ملکی باشندے سے برآمد منشیات کی مالیت 3 کروڑ 10 لاکھ روپے ہے۔
کسٹم حکام کے مطابق مشکوک مسافر بین الاقوامی آمد کے گرین چینل سے سامان کے بغیر گزر گیا، کچھ دیر بعد سامان لینے کیلئے انٹرنیشنل ارائیول ہال میں واپس پہنچا، کسٹم ٹیم نے سامان کی تلاشی لی تو منشیات کی بھاری کھیپ برآمد ہوئی، کسٹمز کی ٹیم نے ملزم کے خلاف ایف آئی آر درج کرلی۔
