مشیل اوباما اورسابق امریکی صدر بارک اوباما کی علیحدگی کی افواہیں دم توڑ گئیں۔
سابق امریکی صدر باراک اوباما نے مشیل اوباما کے ساتھ سالگرہ کی تصویر جاری کردی، انسٹاگرام پراپنی اہلیہ کی 61 ویں سالگرہ کی تقریب کی تصویر شیئر کردی۔
سوشل میڈیا اکاؤنٹس پرسابق امریکی صدر نے تصویر لگاتے ہوئے اپنی اہلیہ کے لئے ان الفاظ کا چنائو کیا تم ہر دن روشن بنا دیتی ہواورکسی نہ کسی طرح بہتر نظر آرہی ہو۔
اہلیہ مشیل اوباما نے سابق صدر کی مبارکباد کا جواب محبت بھرے انداز میں دیا اور سوشل میڈیا پر دیگر مبارکباد دینے والوں سے بھی اظہار تشکرکیا۔
یاد رہے کہ سابق امریکی صدربارک اوباما اور مشیل اوباما کی شادی 1992 میں ہوئی تھی۔
