بانی پی ٹی آئی عمران خان نے ذاتی معالجین سے طبی معائنے کے لیے اسلام آباد ہائیکورٹ میں درخواست دائر کر دی۔
بیرسٹر سلمان صفدر اور خالد یوسف چوہدری کی وساطت سے دائر درخواست میں مؤقف اختیار کیا گیا ہے کہ ڈاکٹر عاصم کو 15 اکتوبر کو بانی پی ٹی آئی تک رسائی نہیں دی گئی ، ذاتی معالجین میڈیکل ہسٹری سے آگاہ ہیں۔
درخواست میں عدالت سے استدعا کی گئی ہے کہ ڈاکٹر عاصم یوسف، ڈاکٹر فیصل سلطان، ڈاکٹر ثمینہ نیازی کو پندرہ روزہ شیڈول کے مطابق چیک اپ کا اجازت نامہ جاری کیا جائے۔
درخواست میں یہ بھی استدعا کی گئی کہ ڈاکٹر عاصم یوسف، ڈاکٹر ثمینہ نیازی اور ایک ای این ٹی ڈاکٹر کو عمران خان کے فی الفور معائنہ کی اجازت دی جائے۔
