ایران جنگ کے خاتمے کیلئے بہترین ثالثی پر امریکی ایوانِ نمائندگان میں پاکستان کی امن کوششوں کی ستائش کی قرارداد پیش کر دی گئی۔
قرار داد امریکی کانگریس کے رکن الگرین نے ایوان میں پیش کی جس میں پاکستان کو ‘غیر جانبدار اور قابلِ اعتماد ثالث’ قرار دیا گیا۔
قرارداد کے متن میں کہا گیا کہ تباہ کن جنگ کے دوران پاکستان کا کردار کلیدی رہا، پاکستان نے نقصان روکنے کیلیے بہترین سہولت کاری فراہم کی، پاکستان نے سفارتی وفود کی میزبانی کیلیے شہروں کی بندش جیسی مشکلات برداشت کیں۔
الگرین نے کہا کہ پاکستان کا غیر جانبدار شراکت دار کے طور پر کردار اس بات کی یاد دہانی ہے کہ سفارتکاری اب بھی آگے بڑھنے کا سب سے مؤثر راستہ ہے۔
