پاکستان تحریک انصاف کے چیئرمین بیرسٹر گوہر نے کہا ہے کہ مولانا فضل الرحمان کے ساتھ بات چیت چل رہی ہے ، امید ہے وہ جلد ہمارے اتحاد کا حصہ بن جائیں گے۔
ڈسٹرکٹ اینڈ سیشن کورٹ کے باہر میڈیا سے گفتگو کرتے ہوئے بیرسٹر گوہر نے کہا کہ ہم پر تمام کیسز سیاسی نوعیت کے ہیں، ہمارے ساتھ زیادتی ہوئی ہے، پر امن احتجاج ہر پاکستانی کا حق ہے۔
انہوں نے مزید کہا کہ جو لوگ پارٹی کو چھوڑ کر جا چکے ہیں ان کے بارے میں بانی پی ٹی آئی ہی فیصلہ کریں گے، ان لوگوں کو پارٹی میں شامل کرنا، ان کو عہدہ دینا تمام تر فیصلے بانی پی ٹی آئی کریں گے۔
