ایران نے امریکا کو واضح پیغام دیتے ہوئے کہا ہے کہ لبنان جنگ بندی معاہدے کا حصہ ہے اور وہ کسی صورت معاہدے سے الگ نہیں ہو گا۔
اسپیکر ایرانی پارلیمنٹ باقر قالیباف نے نام لیے بغیر امریکا کو خبردار کیا کہ وقت تیزی سے ختم ہو رہا ہے، ایران کا اتحادی لبنان سمیت تمام مزاحمتی محاذ جنگ بندی کا کبھی علیحدہ نہ ہونے والا حصہ ہے اور یہی 10 نکاتی تجویز کا پہلا نکتہ ہے۔
ڈاکٹر باقر قالیباف نے کہا کہ پاکستان کے وزیراعظم شہبازشریف لبنان کے مسئلہ پر عوامی سطح پر اور واضح طور پر زور دے چکے ہیں، اس معاملے سے انکار یا پیچھے ہٹنےکی کوئی جگہ ہی نہیں۔
ان کا کہنا تھا کہ جنگ بندی کی خلاف ورزیوں کی بھاری قیمت ہو گی اور سخت ردعمل آئے گا۔
