نیب نے کوہستان کرپشن اسکینڈل کے مرکزی ملزم کے ساتھی بلال شاہ کے گھر سے 115 تولے سونا برآمد کر لیا۔
نیب ذرائع نے بتایا کہ ملزم کا ایبٹ آباد میں 6 کروڑ مالیت کا ایک پلاٹ بھی ہے، اسکینڈل میں پولیس سب انسپکٹر نصیرالدین کو بھی گرفتار کیا گیا ہے۔
ذرائع کے مطابق ملزم کے اکاؤنٹس میں ساڑھے تین کروڑ کی ٹرانزیکشن کی گئی ہے، ملزم کے اکاؤنٹ میں مرکزی ملزم قیصر اقبال نے رقم منتقل کی ہے۔
نیب نے مرکزی ملزم قیصر اقبال کا ایک قیمتی بنگلہ بھی ضبط کیا ہے ، بنگلے کی مالیت تقریباً 6 کروڑ روپے ہے، ملزم نے بنگلہ اپنے بھائی کے نام پر خریدا تھا۔
واضح رہےنیب نے چند روز قبل ملزم قیصر اقبال کی اہلیہ کو گرفتار کر کے گھر سے 14 ارب روپے مالیت کا سونا اور قیمتی گاڑیاں برآمد کی تھیں۔
