کراچی کے قصابوں نے عیدالاضحیٰ قریب آتے ہی جانور ذبح کرنے کی پہلے اور دوسرے روز کی ریٹ لسٹ جاری کردی۔
چیئرمین میٹ مرچنٹس ایسوسی ایشن ندیم قریشی کے مطابق عید کے پہلے دن بچھیا کی قربانی کا ریٹ 20 ہزار روپے مقرر کیا گیا ہے۔ اسی طرح بکرے کی قربانی کے لیے 10 ہزار روپے جیب میں رکھا لازمی ہوں گے۔
ندیم قریشی کا کہنا ہے کہ عید الاضحیٰ کے پہلے روز اونٹ نحر کرنے کا نرخ 40 ہزار روپے رکھا گیا ہے۔
چیئرمین کے مطابق عید کے دوسرے اور تیسرے روز قربانی کا ریٹ تقریباً آدھا ہوجائے گا۔
خیال رہے کہ رویت ہلال ریسرچ کونسل کے سیکرٹری جنرل خالد اعجاز کے مطابق عیدالاضحٰی 17 جون کو ہونے کا امکان ہے۔ محکمہ موسمیات نے بھی ذوالحج کا چاند 7 جون کو نظر آنے کا قوی امکان ظاہر کر رکھا ہے۔
