اسلام آباد، سپریم کورٹ آف پاکستان میں اہم تقرری عمل میں آگئی ہے۔
وزارتِ قانون وانصاف نے جسٹس میاں گل حسن اورنگزیب کی بطورمستقل جج تعیناتی کا باقاعدہ نوٹیفکیشن جاری کر دیا ہے اس فیصلے کے بعد وہ ملک کی اعلیٰ ترین عدلیہ میں مستقل حیثیت سے اپنے منصب پرفرائض انجام دیں گے۔
جسٹس میاں گل حسن اورنگزیب اس سے قبل سپریم کورٹ میں ایکٹنگ جج کے طور پرذمہ داریاں نبھا رہے تھے اور ان کی کارکردگی کومدنظررکھتے ہوئے جوڈیشل کمیشن اور پارلیمانی کمیٹی نے انکی مستقل تقرری کی سفارش کی تھی۔
ان کی تعیناتی کے بعد سپریم کورٹ میں ججز کی تعداد مزید مکمل ہونے کی جانب بڑھے گی جبکہ عدالتی امورکی رفتاراوراہم مقدمات کے فیصلوں میں تسلسل آنے کی توقع ہے۔
وزارت قانون کے مطابق نوٹیفکیشن فوری طور پر نافذالعمل ہے۔
