آئی ایس پی آر نے معرکہ حق یوم آزادی کے موقع پر نیا ملی نغمہ “جان سے پیارا پاکستان” جاری کر دیا ہے۔
نغمے میں وطن سے محبت اور قومی اتحاد کا جذبہ خوبصورت انداز میں اجاگر اور پاک فوج کے عزم، حوصلے اور تیاری کو نغمے کے بول میں بھرپور طریقے سے سمویا گیا ہے۔
نغمے کے بول”اٹھے قدم جو غیر کے، ہم دھول چٹا دیں گے” میں دشمن کو دوٹوک پیغام دیا گیا ہے ، نغمہ قومی یکجہتی، امن اور تمام مذاہب کے افراد کے اتحاد کا خوبصورت پیغام دیتا ہے۔
اس کے علاوہ نغمے کے بول میں”اس قوم میں شانہ ہیں کھڑے ہندو اور سکھ عیسائی بھی” پاکستان کی اصل پہچان ہے مذہبی ہم آہنگی اور اتحاد ،ہر شہری نے وطن سے وفا کی قسم کھائی ہے ” یہی قومی اتحاد کی طاقت ہے ، شامل ہیں۔
“جان سے پیارا پاکستان” ملی نغمہ قوم کے جذبات، وفا، قربانی اور حب الوطنی کی آواز بن گیا ،یہ نغمہ نہ صرف ایک ترانہ ہے، بلکہ ایک جذبہ ہے جو ہر پاکستانی کے دل میں وطن کے لیے محبت، اتحاد اور قربانی کا عہد تازہ کرتا ہے۔
