پاکستان تحریک انصاف (پی ٹی آئی) کو اسلام آباد میں ترنول کے مقام پر جلسے کی اجازت مل گئی۔
پی ٹی آئی اسلام آباد کے صدر عامر مغل نے ڈپٹی کمشنر اسلام آباد سے ملاقات کی۔ عامر مغل نے کہا کہ ہم نےانتظامیہ کو جلسے کے لیے چار مقامات کے نام تجویز کیے تھے، جن میں سے ترنول کے مقام پر اتفاق ہوگیا ہے۔
انہوں نے کہا کہ ملاقات میں ڈی سی اسلام آباد نے زبانی منظوری دے دی ہے اور ہمیں آج این او سی جاری کرنے کی یقین دہانی کرائی گئی ہے۔ عامر مغل کا کہنا ہے کہ 6 جولائی کی شام کو راولپنڈی اور اسلام آباد کی تاریخ کا سب سے بڑا جلسہ ہوگا۔
