اسلام آباد ہائیکورٹ کے جسٹس بابر ستار کی ایک ماہ کی رخصت منظور کر لی گئی جس کا نوٹیفکشن جاری کر دیا گیا ہے۔
اسلام آباد ہائیکورٹ کے ایڈیشنل رجسٹرار اعجاز احمد کے جاری کردہ نوٹیفکیشن کے مطابق چیف جسٹس اسلام آباد ہائیکورٹ جسٹس عامر فاروق نے جسٹس بابر کی 30 ستمبر سے 29 اکتوبر تک رخصت منظور کی ہے۔
ایک ماہ کی چھٹیوں کے باعث جسٹس بابر ستار کی عدالت کی کاز لسٹ بھی منسوخ کر دی گئی ہے۔
نوٹیفکیشن میں مزید کہا گیا ہے کہ موسم گرما کی 2 ماہ کی تعطیلات کے دوران جسٹس بابر نے ایک ماہ چھٹی کی اور ایک ماہ مقدمات کی سماعت کی تھی۔
