دس روپے کے بینک نوٹ کے مستقبل سے متعلق اہم پیش رفت سامنے آئی ہے۔
وفاقی کابینہ نے وزیرِ خزانہ کی سربراہی میں ایک کمیٹی تشکیل دے دی ہے جو اس بات کا جائزہ لے گی کہ دس روپے کا بینک نوٹ برقرار رکھا جائے یا اسے ختم کر دیا جائے۔
ذرائع کے مطابق وفاقی کابینہ نے کمیٹی کو ہدایت دی ہے کہ وہ دس روپے کے بینک نوٹ کی پیداواری لاگت کو مدِنظر رکھتے ہوئے اپنی سفارشات مرتب کرے۔
اس کے ساتھ ساتھ کمیٹی کو یہ بھی جانچنے کا ٹاسک دیا گیا ہے کہ دس روپے کے بینک نوٹ کے مقابلے میں اس کا سکہ زیادہ فائدہ مند ہے یا نہیں۔
کابینہ کمیٹی اپنی سفارشات وفاقی کابینہ کو پیش کرے گی، جن کی روشنی میں دس روپے کے بینک نوٹ کے بارے میں حتمی فیصلہ کیا جائے گا۔
