امریکی صدر ڈونلڈ ٹرمپ کی درخواست پر ایران اسرائیل نے ایک دوسرے پر حملے روکنے کا اعلان کر دیا۔
ڈونلڈ ٹرمپ نے کہا کہ اسرائیلی وزیراعظم نیتن یاہو سے رابطہ کرکے واضح الفاظ میں کہا نہ نئی جنگ چاہتا ہوں، نہ ہی گرین سگنل دے سکتا ہوں، ان کا کہنا تھا کہ اسرائیلی وزیراعظم پر واضح کردیا ہے کہ ایران کے خلاف جنگ کی صورت میں خود کو اکیلا پائیں گے۔
امریکی صدر کی درخواست پر ایران کی خاتم الانبیاء کے مرکزی ہیڈ کوارٹر کی جانب سے اسرائیل کے خلاف کارروائیاں روکنے کا اعلان کیا گیا اور کہا گیا کہ لبنان کے مظلوم عوام کی حمایت میں صہیونی حکومت کو دردناک جواب دے دیا ہے۔
بیان میں کہا گیا کہ اگر جارحیت اور اشتعال انگیز کارروائیاں جاری رہیں تو پہلے سے زیادہ شدید اور تباہ کن جواب دیا جائے گا۔ دوسری جانب اسرائیل نے بھی ٹرمپ کی درخواست پر ایران پر حملے روک دیے ہیں۔
