پاکستان تحریک انصاف نے عمران خان کی اسپتال منتقلی کے معاملے پر حکومت کے خلاف سپریم کورٹ میں توہین عدالت کی درخواست دائر کر دی۔
تحریک انصاف نے بانی پی ٹی آئی عمران خان کو فوری طور پر شفا انٹرنیشنل اسپتال اسلام آباد منتقل کرنے اور ان کا طبی معائنہ کرانے کی استدعا کی ہے۔
پی ٹی آئی نے عدالت سے استدعا کی ہے کہ حکم پر عملدرآمد یقینی بنانے کے لیے عدالتی افسر کی تعیناتی یا لوکل کمیشن مقرر کیا جائے۔
خیال رہے کہ سپریم کورٹ نے عمران خان کو علاج کے لیے شفا انٹرنیشنل اسپتال منتقل کرنے کے احکامات جاری کیے تھے تاہم حکومت نے عمران خان کو پمز اسپتال منتقل کیا جہاں ان کا طبی معائنہ کرنے کے بعد واپس اڈیالہ جیل منتقل کر دیا گیا۔
A contempt petition has been filed in the Supreme Court in light of the government’s non-compliance with the order directing @ImranKhanPTI’s transfer to Shifa International Hospital. pic.twitter.com/ZvebfzRtkD
— Ali Uzair Bhandari (@aubhandari) August 22, 2026
بانی پی ٹی آئی عمران خان کی ہمشیرہ عظمیٰ خان کی جانب سے دائر کردہ درخواست میں سپریم کورٹ کے 18 اگست 2026 کے حکمنامے کی مبینہ خلاف ورزی پر توہین عدالت کی کارروائی شروع کرنے کی استدعا کی گئی ہے۔
