معروف اداکارہ علیزے شاہ نے کہا ہےکہ سوشل میڈیا پر مسلسل تنقید، ٹرولنگ اورمنفی رویے نہ صرف ان کی ذہنی بلکہ جسمانی صحت کو بھی متاثر کر رہے ہیں۔
انہوں نے انسٹاگرام پرنئی اسٹوری شیئر کرتے ہوئے کہا کہ وہ اس حد تک متاثر ہوئی ہیں کہ نہ صرف ڈیجیٹل پلیٹ فارمزکو خیرباد کہہ دیا ہے بلکہ اپنے ارد گرد کے لوگوں سے بھی خود کوالگ کرلیا ہے۔
انہوں نے کہا کہ میں خود کواس قدرٹوٹا ہوا محسوس کررہی ہوں کہ بیان کرنا مشکل ہے،علیزے شاہ نے چند روز قبل انسٹاگرام سے اپنی تمام تصاویر ڈیلیٹ کر کے سوشل میڈیا سے کنارہ کشی اختیارکی تھی۔
انہوں نے سوشل میڈیا پرلکھا کہ “میں زندہ ہوں” اس کے باوجود کچھ نیوزچینلز ان کے والدین سے رابطہ کرکے دریافت کر رہے ہیں کہ کیا وہ وفات پا چکی ہیں۔
