گوجرانوالہ کے ٹی ایچ کیو اسپتال وزیرآباد میں ڈاکٹرز اور پولیس کے درمیان جھگڑا ہوگیا جس کے باعث ڈاکٹرز نے کام چھوڑ دیا۔
اسپتال ایم ایس کے مطابق تھانہ سٹی وزیرآباد کے ایس ایچ او نے میڈیکو لیگل سرٹیفکیٹ کی تاخیر پر ڈاکٹر کو کمرے میں بند کرکے تشدد کیا۔
دوسری جانب پولیس کا کہنا ہے کہ لیڈی کانسٹیبل خاتون کا میڈیکل کرانے گئی تھی، ڈاکٹرز نے بد تمیزی کی اور لیڈی ڈاکٹر کا پرس چوری کرنے کا الزام لگا دیا۔
سی پی او گوجرانوالہ نے واقعے کا نوٹس لیتے ہوئے معاملے کی تحقیقات کے لیے جوائنٹ انویسٹی گیشن ٹیم بنا دی۔
