وفاقی دارالحکومت اسلام آباد میں مارگلہ کی پہاڑیوں پر لگی آگ پر قابو پالیا گیا ہے۔
ترجمان سی ڈی اے کے مطابق چیئرمین سی ڈی اے نے آگ بجھانے کیلئے جاری آپریشن کی نگرانی کی، آگ بجھانے کے عمل میں64 سے زائد فائر فائٹرز نے حصہ لیا۔
آپریشن میں خصوصی طور پرفائر بریگیڈ کی گاڑیاں بھی استعمال میں لائی گئیں،سی ڈی اے کی بروقت کاروائی کی وجہ سے آگ کو بڑے پیمانے پر پھیلنے سے روک لیا گیا۔
مارگلہ ہلز پر نگرانی کے عمل کو مزید بڑھانے کیلئے مزید ٹیمیں تشکیل دے دی گئی ہیں،چیئرمین سی ڈی اے نے پیٹرولنگ کے عمل کو مزید مؤثر بنانے کی ہدایت کی،چئیرمین سی ڈی اے کی ہدایت پر مارگلہ ہلز پر آگ بجھانے والے عملے کی تعدادمیں مزید اضافہ کردیا گیا ہے۔
