فٹبال کی تنظیم فیفا اورامریکی حکومت نے فٹبال ورلڈ کپ کے ٹکٹ ہولڈرز کے لیے”فیفا پاس”پروگرام کا اعلان کر دیا۔
فیفا کے مطابق فیفا پرائیرٹی اسائمنٹ شیڈول سسٹم کے تحت امریکا کے سفر کے لیے ویزا انٹرویوز میں خصوصی ترجیح حاصل کر سکیں گے،پروگرام کے تحت ٹکٹ کے حامل افراد کو ترجیحی بنیاد پر ویزا انٹرویو کا وقت دیا جائے گا۔
پروگرام کے تحت ٹکٹ ہولڈرز اپنے ملک میں ترجیحی ویزا انٹرویو کے لیے اپلائی کر سکیں گے۔ عام حالات میں امریکی ویزا کے انٹرویو کا وقت ملنے میں مہینوں کا انتظار ہوتا ہے۔
واضح رہے کہ فیفا پاس پروگرام کا اعلان وائٹ ہاؤس میں ہوا، جس میں صدرٹرمپ اور دیگرامریکی حکام شریک تھے ، اس موقع پر امریکی صدر کا کہنا تھا کہ وہ فٹبال ورلڈ کپ کے شائقین پر زور دیتے ہیں کہ وہ فوراً اپنے ویزوں کے لیے درخواست دیں۔
