پاک فوج کے ترجمان لیفٹیننٹ جنرل احمد شریف چوہدری نے کہا ہے کہ فیلڈ مارشل نے کسی صحافی کو انٹرویو نہیں دیا ،جس کالم کی بات ہے وہ برسلز کا ایک ایونٹ تھا۔
ڈی جی آئی ایس پی آر نے کہا کہ برسلز میں تو سیکڑوں لوگوں نے تصاویر بنوائیں، برسلز ایونٹ میں پی ٹی آئی کا کوئی ذکرنہیں ہوا۔
ان کا کہنا تھا کہ فوج ذمہ دار ادارہ ہے، بھارت کا خیال تھا کہ وہ پاک فوج کو ڈس کریڈٹ کر دیں گے مگر الٹ ہو گیا، پاکستان کے جواب سے بھارتی پراکسیز اور ملک ڈس کریڈٹ ہو گیا۔
ڈی جی آئی ایس پی آر نے مزید کہا کہ کسی سیانے نے انہیں کہا تھا بھارت کے پاس اسلحہ ہے، پاکستان کو شکست ہو گی،اسی سیانے نے کہا تھا کہ بھارت کو پاکستان پر حملہ کر دینا چاہیے۔
