خانیوال ریلوے اسٹیشن پر مسافر پل کا ایک حصہ گر گیا جس کے نتیجے میں ایک ملازم جاں بحق اور خاتون زخمی ہو گئی۔
ترجمان ریلوے کے مطابق امدادی کارروائی مکمل کر لی گئی ہے اور پُل کی تعمیر کا کام آج سے شروع ہو گا۔ ریلوے ٹریفک معمول کے مطابق چل رہی ہے۔
دوسری جانب وزیر ریلوے حنیف عباسی نے خانیوال اسٹیشن پر پل کا حصہ گرنے کے واقعے کا نوٹس لیتے ہوئے ذمہ داروں کے خلاف کارروائی کی ہدایت کی ہے۔
وزیر ریلوے کی جانب سے نوٹس لینے کے بعد تین افسران معطل کرتے ہوئے سی ای او ریلوے، آئی جی اور ڈی ایس لاہور پر مشتمل انکوائری کمیٹی تشکیل دیدی گئی ، معطل ہونے والوں میں گریڈ 18 کے ڈویژنل انجینئر، گریڈ 17 کے اسسٹنٹ انجینئر اور گریڈ 16 کے انسپکٹر برج شامل ہیں۔
